Елімізде дәнді дақылдар алаңының 70% жуығы жиналды – министрлік
Елімізде дәнді дақылдар алаңының шамамен 70% жиналды. Бұл туралы ҚР Ауыл шаруашылығы министрлігінің баспасөз қызметінен мәлім етті, деп хабарлайды inform.kz.«Бүгінгі күні республиканың барлық өңірінде егін жинау науқаны жалғасып жатыр. Әкімдіктердің деректеріне сәйкес, 11,3 млн га астық жиналды – бұл жоспардың 69,8 % құрайды.
12 ц/га орташа өнімділікте 13,5 млн тонна астық бастырылды (2021 жылы осы мерзімде орташа өнімділік 8,9 ц/га құраған болатын).
Оның ішінде, майлы дақылдар 337,5 мың га алқапта жиналды.
Жалпы жоспардың 10% орындалып, 220,6 мың тонна бастырылды», - делінген ведомство мәліметінде.
Сондай-ақ ақпаратқа сәйкес, 66,5 мың га алқапта картоп жиналды, бұл – жоспардың 34%. Жиналған өнім 1,4 млн тоннаны құрайды.
Бұған қоса 113,1 мың гектардан 3,2 млн тонна көкөніс жиналған, бұл – жалпы алаңның 66%.
