Қанша тонна астық жиналды?
Ауыл шаруашылығы министрлігі жиналған дәнді-дақылдардың мөлшері туралы мәлімет таратты. Бүгінде республика бойынша 13,6 млн. гектар алқаптағы дәнді және дәнді-бұршақты дақыл жиналды.
Бұл – жалпы егіс алқабының 85,7 проценті. Орташа өнімділік гектарына 9,1 центнерге жетті, жалпы 12,5 млн. тонна астық жиналды.
Ақмола, Қостанай және Солтүстік Қазақстан облыстарында 10,3 млн. гектар (89%) алқапта егін орылып, 8,6 млн. тонна астық жиналған. Орташа өнім гектарына 8,4 центнер болды.
