Биыл 35 жатақхана пайдалануға беріледі
Биылғы оқу маусымы дәстүрлі форматта өтетіндіктен студенттерге арналған жатақханаларда орын тапшылығы туындауы мүмкін. Осы орайда Премьер-Министрдің орынбасары Ералы Тоғжановтың төрағалығымен өткен Үкімет жиынында студенттерге арналған жатақханаларды салу барысы талқыланды, деп хабарлайды egemen.kzПремьер-Министрдің орынбасары Ералы Тоғжановтың төрағалығымен өткен Үкіметтік жиында студенттерге арналған жатақханаларды салу барысы талқыланды.
«Ғылым және жоғары білім министрлігі облыс басшыларымен және Нұр-Cұлтан, Алматы, Шымкент әкімдерімен бірлесе 10 тамызға дейін студенттік жатақханалардағы орындарға тапсырысты әзірлеп, бекітуі, сондай-ақ, Денсаулық сақтау министрлігімен бірлесе білім нысандарына қойылатын санитарлық-эпидемиологиялық талаптарға өзгеріс енгізуі қажет», деді Ералы Тоғжанов
Осыған орай Ғылым және жоғары білім министрі Саясат Нұрбек Жоғарғы оқу орындары ректорларына барлық жатақханаларға ревизия жүргізіп, төсек орын санын ұлғайту жолдарын қарастыруды тапсырды. Бұл шара қазіргі ахуалды анықтап, студенттерге уақытша тұрғын үй салу жоспарларына түзетулер енгізуге мүмкіндік береді. Министр сондай-ақ университеттерге жақын орналасқан жатақханалар мен қонақүйлер арасында меморандум жасау тәжірибесін кеңінен қолдану қажеттігін де атап өтті.
Жиында мемлекеттік-жекеменшік әріптестік аясында жатақхана салу жобаларындағы қағазбастылықты жою мәселелері де талқыланды.
Айта кетсек, 2022 жылы 10 000 орынға арналған 35 жатақхананы іске қосу жоспарлануда. Тапсырма орындала басталғалы 30 630 орындық 124 нысан іске қосылды онын ішінде 2021 жылы 10 364 орындық 49 ғимарат пайдалануға берілді.
