Қазалы Qazaly.kz ақпараттық агенттігі
» » “Бастау Бизнестің” берекесі

“Бастау Бизнестің” берекесі

Кезінде, көптің көңілі кәсіпкерлікке қарай ауа бастағанда тәжірибе деген құнды дүние еді. Бір істі қолға алған адам алдымен сол саланың ыстық-суығын көрген, соның арқасында тасы өрге домалап, табысы артқан кәсіпкерлердің ақылын алу үшін жұрт не істемеді дерсің. Бизнесі бақуаттыдан бағыт-бағдар алған іс бастаушы дәл сондай болмаса да, ұқсап баққанын аз көрген жоқпыз. Қуаныштысы сол, бүгінде талапты азаматтар ақыл сұрап, адам алдын жағаламай-ақ, кәсіпкерліктің негіздері, оны дамыту мен қолдау бағытында тегін курстан өте алады. «Бастау Бизнес» деп аталатын мемлекеттік жоба аясында қазірдің өзінде мыңдаған адам біліктілігін арттырып, жобалар игілігін көріп отыр.
Биыл осы бағыттағы жағымды жаңалықтар көшін жобаның электронды форматқа ауысуы бастап отыр. Бұдан былай болашақ кәсіпкерлер сала негізін Skills.enbek.kz платформасында онлайн меңгереді. Мұнда олар бизнес жүргізу үшін базалық білім мен дағдыларды ала алады. «Бастау Бизнес» жобасы 2021-2025 жылдарға арналған кәсіпкерлікті дамыту жөніндегі ұлттық жоба арқылы азаматтардың бизнес-бастамаларын қолдаудың мемлекеттік шаралар кешені шеңберінде іске асырылады. Бұл жайында аудандық жұмыспен қамту орталығының директоры Әділхан Әбілов айтып берді.
– Оқу курсына жазылу үшін Business.enbek.kz порталында тіркелу, оқыту шарттарына сәйкестігіне автоматты тексеруден өту қажет. Шарттарға сәйкес болған жағдайда қатысушы Skills.enbek.kz платформаға өтіп, оқуға кірісе алады. Мұны да айта кетейік, жұмыссыздар, ісін жаңа бастаған және жұмыс істеп тұрған кәсіпкерлер, зейнеткерлік жасқа жетпей жұмыстан қысқартылатын қызметкерлер, жеке кәсіпкер ретінде тіркелмей кіріс алу мақсатында тауарларды өндіру, жұмыстарды орындау және қызметтерді көрсету жөніндегі қызметті дербес жүзеге асыратын тұлғалар «Бастау Бизнес» жобасы аясында кәсіпкерлік негіздеріне оқыту» онлайн курсының қатысушылары бола алады. Сонымен қатар отбасылық кәсіпкерлікте ақы төленбейтін қызметті дербес жүзеге асыратын, табысы ең төменгі күнкөріс деңгейінен төмен, сату үшін жеке қосалқы шаруашылықта өнім өндіру жөніндегі қызметті дербес жүзеге асыратын тұлғалар мен табыстары ең төменгі күнкөріс деңгейінен төмен өндірістік кооперативтердің мүшелері білімін жетілдірсе құба-құп, – дейді орталық директоры.
Бизнестен таласы бар талапкерлер 14 күннің ішінде бірнеше сабақтардан тұратын 12 модульден өтуі керек. Әрбір модуль аяқталған соң аралық тестілеу өткізіледі. Келесі оқу модуліне өту үшін қатысушы тестілеуді тапсыру кезінде дұрыс жауаптардың кемінде 70 процентін жинауы тиіс. Аралық тестілеуден өту әрекеттерінің саны шектелмейді. Дұрыс жауаптардың өту ұпайын төмен жинаған қатысушыға қорытынды тестілеуден 2 рет қайта өту мүмкіндігі беріледі.
Оқыту қорытындысы бойынша қатысушы бірегей нөмірі бар электрондық сертификат алады. «Бастау Бизнес» жобасы бойынша кәсіпкерлік негіздеріне оқыту туралы сертификаттың қолданылу мерзімі 3 жылды құрайды. Мұнымен ұлттық жоба шеңберінде бизнес-идеяларды іске асыруға арналған грант жеңіп алуға болады.
– Бүгінге дейін «Атамекен» кәсіпкерлер палатасының аудандық филиалымен бірлесе қазалылықтарды кәсіпкерлік негіздеріне оқытып келеміз. Істерге жұмыс таппай жүргендердің көпшілігі оқу курсынан өтіп, бір кәсіптен меңгеріп алды. Арнайы келіп, ризашылық білдірген жандар да аз емес. Ең бастысы биікке жетуге деген ұмтылыс болса, жақсы көрсеткішке жету қиын емес деп ойлаймын.
«Бастау Бизнестен» бөлек осы бағытта көптеген жоба барын жұрт біле бермейді. Аудандық жұмыспен қамту орталығына келсе, мамандар жан-жақты кеңес беріп, жобалар жайында толыққанды түсіндіреді, – дейді Ә.Базарбайұлы.

Ринат ӘБДІҚАЛЫҚ
30 шілде 2022 ж. 488 0

Руханият

Көнеден қалған мұра

Көнеден қалған мұра

20 ақпан 2024 ж.
Жақсы сөз, жарым ырыс

Жақсы сөз, жарым ырыс

06 қаңтар 2024 ж.
Жетім қарт

Жетім қарт

26 желтоқсан 2023 ж.

Жаңалықтар мұрағаты

«    Ақпан 2024    »
ДсСсСрБсЖмСбЖс
 1234
567891011
12131415161718
19202122232425
26272829