Сертификат табыс етілді

Бүгін аудан әкімі М.Ергешбаев "Бастау Бизнес" жобасы бойынша оқу курсын аяқтаған алғашқы топқа сертификаттар табыстады. Жиында Кәсіпкерлер Палатасының Қазалы ауданындағы филиалының директоры Ермек Аймаханов хабарлама жасап, жоба аясында атқарылып жатқан жұмыстардың барысын баяндады.

Қазалы ауданына "Бастау Бизнес" жобасы бойынша 2018 жылға 220 азаматты және "Бизнес Кеңесші" оқу семинары бойынша 90 азаматты оқыту жоспарланған. Оқыту кезеңі алты топқа бөлініп, 16 сәуір-23 қараша аралығында өтеді. Бүгінгі күнге дейін 16 сәуір-12 мамыр айлары аралығында осы жоба аясында алғашқы топтың тыңдаушылары оқыту курсын аяқтаған.

«Бастау Бизнес» және «Бизнес Кеңесші» оқу курсына қатысып, ағымдағы жылы филиалға құжат тапсырған 96 несие алушылардың құны 611,5 млн теңге құрайтын жобаларының құжаттарын жинақтап, бизнес-жоспарлар әзірленген. Бақылау Кеңестерінде аталмыш жобалар қорғалып, оның құны 196,3 млн теңге құрайтын 52 жоба мақұлданып, қаржыландырылуда. Несиелендірілетін жобалар аясында 64 жаңа жұмыс орыны ашылады деп жоспарланып отыр. Сондай-ақ, «КазАгроКепіл» АҚ-нан қаржыландыруға мақұлданған құны 44,0 млн теңге құрайтын 10 жоба несиесін күтуде.

Ағымдағы жылдың 28 мамырынан бастап «Бастау Бизнес» жобасының 2-тобында 44 тыңдаушы оқуларын бастап кеткен.