Қазалы Қазалы аудандық қоғамдық-саяси газет
» » Жаңа аурухананың мүмкіндігі мол

Жаңа аурухананың мүмкіндігі мол

Жуырда Қазалы ауданының әкімі Мұрат Ергешбаев аудандағы бірқатар денсаулық сақтау нысандарын аралап, өзекті мәселелер бойынша жауапты сала мамандарына тапсырмалар жүктеді. Ең алдымен аудандық ауруханада болып, ем алушылармен жүздесті. Мұнан соң жақында пайдалануға берілетін 150 орындық жаңа аурухана құрылысын бақылап, нысанды өз уақытында сапалы аяқтауды тапсырды.
Айта кетейік, Әйтеке би кентінде бой көтерген аурухана құрылысын бастауға биыл республикалық бюджеттен 200, облыстық бюджеттен 20 миллион теңге бөлінді. Ал жалпы жоба-сметалық құны 4 милиард 285,3 миллион теңге. Бас мердігер – «КАЗҚұрылысСервис» серіктестігі. Аурухана жақын арада пайдалануға беріледі деп күтілуде.
Жаңа аурухана пайдалануға берілгенде толық заманауи медициналық құралдармен жабдықталмақ. Облыс әкімінің қолдауымен «Ангиограф» медициналық аппараты алынып, Ресей елінің мамандарымен келісім жасалынып, жаңа ғимаратқа қондыру жұмыстары жүргізілуде.
«ҚАЗАЛЫ» ақпарат.
28 қараша 2017 ж. 414 0

Жаңалықтар мұрағаты

«    Желтоқсан 2018    »
ДсСсСрБсЖмСбЖс
 12
3456789
10111213141516
17181920212223
24252627282930
31