Демалыс күндері валюта бағамы қандай болады
Қазақстан қор биржасында (KASE) 15:30-дағы жағдай бойынша доллардың орташа сараланған бағамы 0,81 теңгеге көтеріліп, 435,53 теңге болды, деп хабарлайды Zakon.kz.Сауда көлемі 94,79 миллион доллар болды. Ресей рублінің орташа сараланған бағамы 0,12 теңгеге өсіп, 7,56 теңгеге жетті.
Еуроның орташа сараланған бағамы 460,04 теңге (-2,46), сауда көлемі 4,68 миллион еуро болды.
Қытай юанінің орташа сараланған бағамы 0,43 теңгеге өсіп, 65,12 теңгеге жетті.
Ақша айырбастау орындарында доллар 433,5-438,5 теңгеге, еуро 460-467 теңгеге, рубль 6,5-7 теңгеге сатып алынып/сатылып жатыр.
