Жеке қабылдау өткізілді
Бүгін жеке қабылдауыма 3 азамат келіп, олардың өтініштерін тыңдадым.Жеке қабылдауға бірінші болып Әйтеке би кентінің тұрғыны Серімбетова Райкүл тұрғын үй құрылысын салу үшін жер учаскесін алуға байланысты кезектілігін тексерту туралы, Абай ауылының тұрғыны Бердібаев Өмірбек немересін тұрақты жұмысқа орналастыру жөнінде және Бозкөл ауылының тұрғыны Пірімбетова Жамига өз ауылынан ақылы қоғамдық жұмысқа тұру туралы мәселелерін жеткізді.
Жеке қабылдау барысында Серімбетова Райкүлдің өтініші аудандық жер қатынастары бөлімі арқылы нақтыланып, оң шешімін тапты. Ал, қалған екі азаматтың өтініштерін орындау үшін тиісті атқарушы органдарға ұсыныс берілді. Алдағы уақытта бұл өтініштердің орындалуы тұрақты бақылауға алынатын болады.
Бақытжан Жарылқап
Қазалы ауданының мәслихат хатшысы
