Жеңісбектің жеңісі
Бүгін Қызылорда қаласында Тәуелсіздіктің 30 жылдығы және Халықаралық мүгедектер күні қарсаңында мүмкіндігі шектеулі кәсіпкерлерді ынталандыру мақсатында облыстық кәсіпкерлік және туризм басқармасының ұйымдастыруымен «Өзіңе сене баста!» атты көрме байқауы өткізілді.Көрмеге Сарыкөл ауылдық округінен Өтеміс Оңдашбай, Шәкен ауылдық округінен Алимбетова Жарқынай, Майдакөл ауылдық округінен Қалқан Қарақөз, Қарашеңгел ауылдық округінен Құлтан Сапарбек және Әйтеке би кентінен Көжебаев Жеңісбек қатысты.
Нәтижесінде Жеңісбек Көжебаев «Өзіңе сене баста!» көрме-байқауының жеңімпазы атанып, 800 мың теңге қаржылай сыйлыққа ие болды.
Жерлесімізді жеңісімен шын жүректен құттықтаймыз!
"ҚАЗАЛЫ" ақпарат
