Қазалы ауданы әкімінің есепті кездесуі басталды
Қазалы ауданы әкімі Мұрат Ергешбаевтың халық алдындағы есепті кездесуі Басықара ауылдық округінен басталды.Есепті кездесуге облыстық жұмылдыру дайындығы басқармасы басшысының орынбасары Ғабит Жаңабаев, облыстық мәслихат депутаттары, аудандық мәслихат хатшысы К. Назымбеков, бөлім басшылары мен БАҚ өкілдері қатысты.
Есепті кездесу барысында аудан әкімі ауданымызда жыл бойы атқарылған жұмыстарға тоқталып, алдағы міндеттермен таныстырды.
Аудан әкімінің есебінен соң ауыл жұртшылығының ұсыныс-пікірлері тыңдалды. Ауыл тұрғыны тыл ардагері Жалғасбаев Шарападдин тұрғындар атынан аудан әкімінің есебіне жақсы деген бағасын берді.
"ҚАЗАЛЫ" ақпарат.
