Ауызбіршілігі мол Ақсуат

Осы мақсатта бүгін Ақсуат ауылында «Тәуелсіздік тұғырым» атты іс-шара ұйымдастырылды. Салтанатты шараға аудан әкімі Мұхтар Оразбаев, облыстық мәслихат хатшысы Мнажадин Өтеев пен аудандық мәслихат хатшысы Бақытжан Жарылқап қатысты.
Жаңадан салынған ауылдық клубта өткен шарада аудан әкімі Мұхтар Оразбаев тұрғындарды ел Тәуелсіздігінің 30 жылдығымен құттықтап, ізгі лебізін жеткізді. Сонымен қатар, бірлігі мен ынтымағы, достығы жарасқан, қарттары қазыналы, жастары жалынды ауыл халқы ғана мұндай игілікті шараны ұйымдастыра алатынын тілге тиек етті.
Мұнан соң ауылдағы шараны өз деңгейінде өтуіне атсалысқан азаматтар аудан әкімінің «Алғыс хатымен» марапатталды.
Мерекелік шара аудан өнерпаздарының концерттік бағдарламасына ұласып, әннен шашу шалды.
Аудан әкімі Мұхтар Оразбаев спорттық сайыста жеңімпаз атанып, жүлдегерлер қатарынан көрінген азаматтарды марапаттады.
"ҚАЗАЛЫ" ақпарат