Қазалы ауданының Құрметті азаматы Жаппарберген Жалғасбай 70 жаста
Бүгін аудан әкімі Мұрат Ергешбаев Қазалы ауданының құрметті азаматы Жаппарберген Жалғасбайды қабылдап, 70 жасқа толған мерейтойымен құттықтады.Аудан басшысы туған жердің әлеуметтік-экономикалық дамуына лайықты үлес қосқан мерейтой иесіне алғысын айтып, ақ тілегін жаудырды. 70 деген белесті бағындырған ардагерге «Құттықтау» хат тапсырып, иығына қазақтың шапанын жапты.
Өз кезегінде қаржы саласының ардагері Жаппарберген Жалғасбай аудан әкімі Мұрат Ергешбаевқа ризашылығын білдіріп, алдағы уақытта да қоғамдық жұмыстарға белсене араласатындығын жеткізді.
