Тәртіпке бағыну міндетіміз
Аты жаман індет қайта күш алды. Облыс қызыл аймаққа кіріп, карантин талаптары күшейтілді. Соған сәйкес жаңа қаулы шықты. Аудан тұрғындары онымен танысып, осы бастан індетті ауыздықтау үшін барлығын өздерінен бастағаны жөн. Бірнеше күннен бері кент ішін аралап, тұрғындарға түсіндірме жұмыстарын жалғастырып жатырмыз. Ендігі тәртіп пен талап күшейеді. Себебі инфекцияны одан әрі асқынтып алмауымыз қажет.
Құрметті аудан тұрғындары «Ауырып ем іздегенше, ауырмайтын жол ізде» демекші, жағдайды ушықтырып алмас үшін той-томалақ, қыдырысты азайтып, сақтану шараларын күшейтсек барлығы жақсы болып, қиын кезеңді артта қалдырарымыз сөзсіз.
Ақтілеу БӨРІҚҰЛАҚОВ,
Аудандық кәсіпкерлік, өнеркәсіп және туризм бөлімінің басшысы
