Қазақстанда 22 наурызда ауа райы қандай болады?
Синоптиктер 22 наурызда ауа райы қандай болатынын айтты, - деп хабарлайды Tengrinews.kz.Павлодар, Қарағанды, Шығыс Қазақстан және Ақмола облыстарының кей жерлерінде тұман, көктайғақ болып, жел жылдамдығы секундына 15-23 метр болады, ал Ақмола, Қарағанды, Шығыс Қазақстан облыстарының кей жерлерінде бұрқасын болады.
Солтүстік Қазақстан, Қостанай, Батыс Қазақстан облыстарының кей жерлерінде тұман, көктайғақ күтіледі. Қостанай облысында күндіз кей жерлерде жел жылдамдығы секундына 15-20 метрге жетеді.
Алматы облысының кей жерлерінде түнде және таңертең тұман болады, Жалаңашкөл ауданында желдің жылдамдығы секундына 15-20 метрге жетеді.
Қызылорда, Маңғыстау, Атырау, Ақтөбе облыстарының кей жерлерінде тұман, Маңғыстау облысының кей жерлерінде найзағай болуы мүмкін.
Жамбыл облысының кей жерлерінде тұман түсіп, жел жылдамдығы секундына 15-20 метрге жетеді, түнде кей жерлерде көктайғақ болады.
Алматыда ауа температурасы 11 градусқа дейін жылынады, бірақ күн бұлтты болады.
Нұр-Сұлтанда да ауа райы бұлтты, ауа температурасы -2 градус аяз болады.
