Сейсенбіге арналған ауа райы болжамы

Қазгидромет 2 наурызға арналған ауа райы болжамын жариялайды. Солтүстік-батыс циклонымен байланысқан атмосфералық ауа ағыны әсерінен еліміздің басым бөлігінде қар мен жаңбыр жауады, кей жерлерінде тұман, көктайғақ, бұрқасын, желдің күшейюі күтіледі.
Ақмола, Қарағанды, Шығыс Қазақстан облыстарының кей жерлерінде жаяу бұрқасын, желдің 15-20 м/с күшейюі, тұман, көктайғақ болады.
Жамбыл, Түркістан облыстарының кей жерлерінде тұман, желдің 15-20 м/с күшейюі күтіледі. Маңғыстау, Атырау, Батыс Қазақстан облыстарының кей жерлерінде тұман, көктайғақ, күндіз Батыр Қазақстан облысында желдің жылдамдығы 15-20 м/с жетеді.
Қостанай, Қызылорда, Солтүстік Қазақстан облыстарының кей жерлерінде тұман күтіледі. Алматы облысының Жаланашкөл ауданында жел 18-23 м/с күшейеді.