Сарбаздар сап түзеді
Қазалы ауданында әскери міндеттілерден 24 азамат іріктеліп, арнайы әскери жиынға шақырылды. Бұлардың негізгі міндеті – төтенше жағдай кезіндегі қауіпсіздік шараларының қатаң сақталуын қадағалап, тұрғындарды тәртіпке шақыру.Аудан әкімі Мұрат Ергешбаев еліміздегі төтенше жағдайға байланысты көмекке келген азаматтарға алғысын айтып, аты жаман аурудан сақтанып жүру керектігін ескертті.
Аудандағы арнаулы әскери жиынға шақырылғандар учаскелік полиция инспекторларымен бірге Қазалы қаласы мен Әйтеке би кентінде қоғамдық тәртіпті сақтауға атсалысады. Бұл әскери міндеттілер нысанды киім-кешекпен, ыстық тамақпен және басқа да материалдық-техникалық құралдармен қамтамасыз етіледі.
Жиындар уақытында әскери міндеттілердің жұмыс орны мен жалақысы сақталады, ал жұмыссыздар санатындағыларға ең төменгі жалақы төленеді.
Қазалы ауданы әкімінің баспасөз қызметі
