Облыстық ауыл әйелдерінің форумы өтуде
Бүгін Сырдария ауданындағы Нағи Ілиясов ауылында облыстық ауыл әйелдерінің форумы өтіп жатыр.Ауылдық аумақтарды дамыту, ауыл әйелдерінің мәртебесін арттыру және қоғамдағы рөлін көтеру мақсатында ұйымдастырылып отырған форумға Қазалы ауданынан көпбалала ана Гүлдәраш Тұрғанбайқызы, жеке кәсіпкер Бағымкүл Қаниқызы, «Қазалы-Жомарт» қоғамдық бірлестігінің төрайымы Гүлдәрі Тасболатқызы, Қазалы дәрігерлік амбулаториясының меңгерушісі Гүлбақыт Әбілхайырқызы, Майлыбас ауылдық округі Ақсуат байланыс бөлімінің басшысы Зейнегүл Тілегенқызы, Кәукей ауылдық клубының меңгерушісі Айзада Шамшыраққызы, «Аржиков» шаруа қожалығының жетекшісі Шолпан Сағындыққызы қатысуда.
Өңірдегі іскер әйелдердің басын қосқан игі шарада өз кәсібінде жетістікке жеткен ақ жаулықты аналар мен қыз-келіншектердің қолынан шыққан өнімдердің көрмесі ұйымдастырылған.
"ҚАЗАЛЫ" ақпарат.
