Тас жолдың бойы тазаланды
Бүгін «Батыс Еуропа – Батыс Қытай» тас жолының Қазалы ауданының аумағынан өтетін аралығына тазалық жұмыстары жүргізілді.Халықаралық авто жолдың бойында орналасқан Әйтеке би кенті мен Ғ.Мұратбаев, Қарашеңгел, Құмжиек, Басықара, Майлыбас ауылдық округінің қызметкерлері өздеріне тиесілі аумақты тазалап, қоқыстарын арнайы орынға шығарды.
Сондай-ақ, бұл күні «ҚазАвтоЖол» ҰК» АҚ Қазалы ауданындағы филиалының қызметкерлері де жолдың бойындағы аялдамалар мен әжетханалардың айналасына тазарту жұмыстарын жүргізді.
Тазалық – халықтың айнасы. Сондықтан халықаралық маңызға ие ұлы жолдың бойы таза болғаны дұрыс. Себебі бұл авто жолдың үстімен күнделікті әр елдің жүздеген автокөліктері арлы-берлі жүріп өтеді.
Қазалы ауданы әкімінің баспасөз қызметі
