«Еуразиялық банк» АҚ-ның өкілдері Қазалы ауданында болды
Бүгін аудан әкімдігінің мәжіліс залында «Еуразиялық Банк» АҚ-ның Қызылорда филиалынан арнайы өкілдерінің қатысуымен мемлекеттік бағдарламалар аясында несие алу жолдары бойынша жиын өтті. Жиынға аудан әкімінің орынбасары, ауылдық округ әкімдері, аудандық кәсіпкерлік палатасының директоры және аудан кәсіпкерлері қатысты.Жиын барысында банк өкілдері кәсіпкерлерге «Қарапайым заттар экономикасы», «Бизнестің жол картасы» мемлекеттік бағдарламалары аясында несие алу жолдарын түсіндірді. Сондай-ақ, аудан орталығынан «Еуразиялық Банктің» қызмет көрсету орталығы жұмыс жасап жатқандығын хабарлап, алдағы жоспарларымен бөлісті.
Жиын соңында аудан кәсіпкерлері мен аудандық кәсіпкерлер палатасының директоры Е.Аймаханов өз ұсыныс-пікірлерін ортаға салды.
Жиынды аудан әкімінің орынбасары Ә.Жарылқағанов қорытындылап, қонақтарға өз ризашылығын жеткізді.
"ҚАЗАЛЫ" ақпарат.
