Қазалы аудандық сотында брифинг өткізілді

Қазалы аудандық сотының судьясы Мұрат Оспанов «Қазақстан Республикасының кейбір заңнамалық актілеріне құқық қорғау жүйесін жетілдіру мәселелері бойынша өзгерістер мен толықтырулар енгізу туралы" Заңы жөнінде БАҚ өкілдерінің қатысуымен брифинг өткізді.

Брифинг барысында Мұрат Оспанов 2017 жылы 3 шілдеде шыққан «Қазақстан Республикасының кейбір заңнамалық актілеріне құқық қорғау жүйесін жетілдіру мәселелері бойынша өзгерістер мен толықтырулар енгізу туралы» Заңымен таныстырып, сол заңмен Қазақстан Республикасының Әкімшілік құқық бұзушылық кодексі 73-1, 73-2 баптармен толықтырылғандығын және аталған Заң 2017 жылдың 14 шілдеде заңды күшіне енгенін айтып өтті. Сондай-ақ Қылмыстық Кодекске жаңадан енгізілген 380-1-бап, яғни «Құқық қорғау органы, арнаулы мемлекеттік орган қызметкерінің, әскери қызметшінің өміріне қолсұғушылық» туралы түсініктеме берді.

Брифинг соңында тақырып аясында қойылған сауалдарға жауаптар берілді.