Ақ Олимпиада алауы

Ел көрермендері мен жанкүйерлеріне бұл шараның тікелей трансляциясын үш телеарна көрсетуді бастап кетті. Олар «Хабар», «Qazsport» және «Qazaqstan» арналары.
Кеше Нұр-Сұлтан уақытымен 17:55-те басталған айтулы спорт сынында ел командасының атынан Қазақстан Республикасының туын шорт-трекші Абзал Әжғалиев пен конькиші Екатерина Айдова алып шықты.
Қытайдың солтүстігінде өтіп жатқан Олимпиада ойындары 4-20 ақпан аралығында өтпек. Қатысушылар 109 медаль жиынтығын сарапқа салады. Қазақстан атынан 34 спортшы бақ сынауда. Жерлестеріміз қатысатын жарыс 3 ақпанда басталды. Өкініштісі, алғашқы болып алаңға шыққан фристайлшы ерлер мен әйелдер арасындағы іріктеу қорытындысы бойынша үкілеген үміткерлеріміздің ешқайсысы бірінші әрекетте финалға шыға алмаған. Екінші іріктеу 5-6 ақпанда күндері өтеді.
«ҚАЗАЛЫ» ақпарат