Қазалы Қазалы аудандық қоғамдық-саяси газет
» » Головкин карьерасындағы басты жекпе-жек кіммен өтетінін айтты

Головкин карьерасындағы басты жекпе-жек кіммен өтетінін айтты

Кездесу 29 желтоқсанда Жапонияда өтеді. Бұған дейін GGG қарсыласы да жекпе-жекке қатысты ойын айтқан болатын. Головкин IBF тұжырымдамасы бойынша орта салмақтағы әлем чемпионы WBA титулының иегері Риота Муратамен жекпе-жекке дайындалып жатқанын хабарлады. Кездесу 29 желтоқсанда Жапонияда өтеді. Fightnews.info тілшісімен сұхбат барысында қазақстандық боксшы алдағы кездесу карьерасындағы басты жекпе-жектің бірі болатынын атап өтті.
"Біріншіден, Мурата WBA тұжырымдамасы бойынша суперчемпион, Олимпиада чемпионы. Ол Жапонияның қаһарманы деп айтуға болады. Оны спортшы әрі адам ретінде қатты сыйлаймын, таныспын. Бұл бокс үшін үлкен оқиға. Карьераның әр кезеңінде басты жекпе-жектер бар. Қазіргі уақытта бұл кездесу мен үшін сондай", - деді Геннадий Головкин.
Ол бар назар алдағы кездесуге аударылғанын атап өтті. 
Бұған дейін қарсыласы Риота Мурата да жекпе-жекке қатысты ойын айтқан болатын.
"Головкин - мен құрметтейтін боксшы. Оны жеңіп, орта салмақта ең мықты екенімді дәлелдегім келеді. Кездесу өткізуге келіскені үшін алғыс білдіремін",- деді спортшы.
Риота Мурата - жапониялық кәсіпқой боксшы, орта салмақта (72,6 келіге дейін) өнер көрсетеді. WBA тұжырымдамасы бойынша орта салмақтағы суперчемпион. Мурата 2019 жылдың желтоқсан айында Стивен Батлерді жеңіп, титулын қорғағалы рингке шықпаған.
14 қараша 2021 ж. 293 0

Жаңалықтар мұрағаты

«    Мамыр 2022    »
ДсСсСрБсЖмСбЖс
 1
2345678
9101112131415
16171819202122
23242526272829
3031 
  • Қытайда екі миллиардтан астам вакцина салынды