Геннадий Головкин жарақат алып қалды
Орта салмақта IBF және IBO тұжырымдары бойынша әлем чемпионы атағына ие қазақстандық кәсіпқой боксшы Геннадий Головкин (40-1-1, 35 КО) жарақатына байланысты жекпе-жек уақытын кейінге шегермек. Бұл туралы ESPN басылымына сілтеме жасап Vesti.kz сайты хабарлады. Бастапқыда Геннадий Головкин ақпан айында жекпе-жекке шығады деп күтілген. Кейіннен наурызға шегерілді. Одан кейінгі ақпараттар бойынша 11 сәуір күні өтуі мүмкін деп болжанған еді.
Қазақстандық боксшы жіліншігінен жарақат алған. Қашан толық айығатыны әзірге белгісіз.
Геннадий Головкин IBF чемпиондық атағын 5 қазан күні Нью-Йоркте Сергей Деревянченкоға қарсы жекпе-жекте жеңіп алған еді.
