Қазалы Qazaly.kz ақпараттық агенттігі
» » Қазақстанда алғаш рет WTA 250 турнирі өтеді

Қазақстанда алғаш рет WTA 250 турнирі өтеді

Бір айдан кейін Қазақстанда Әйелдер теннис қауымдастығының (WTA) ірі жарысы өтеді, деп хабарлайды ҚазАқпарат.

Қазақстан теннис федерациясы мәлім еткеніндей, 26 қыркүйек – 2 қазан аралығында Нұр-Сұлтандағы Ұлттық теннис орталығында қатысушылар турнирдің бас жүлдесі мен 250 рейтинг ұпай үшін таласады. Аталмыш дода әлемнің 70-тен астам елінде көрсетіледі. Astana Open WTA 250 турнирінің директоры Питер Джонстонның сөзіне қарағанда, екі апта бойы теннис жұлдыздары елордада бақ сынайды. Алдымен ерлер арасында ATP 250 турнирі өтеді. Содан кейін бірден әйелдердің WTA 250 жарысы басталады. Бұған Қазақстан ұлттық құрамасының барлық көшбасшы теннисшілері қатысады. Сонымен қатар аталмыш екі жарыстың алдында өтетін ел чемпионатында жеңімпаз атанғандар негізгі турнирге, финалистер іріктеу сайыстарына жолдама алады. Еске сала кетейік, бұдан бұрын Astana Open ATP 250 жарысына кімдердің қатысатыны белгілі болғанын, Михаил Кукушкин US Open жарысының іріктеу сайысын жеңіспен бастағанын жазған болатынбыз.
26 тамыз 2021 ж. 608 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031