Биылғы бас жүлдені «Астана» мен «Тобыл» сарапқа салған болатын. Бастапқыда қос клуб тең деңгейде өнер көрсетті және алғашқы кезеңді 19:18 есебімен аяқтады. Одан кейін «астаналықтар» басымдықты өз қолдарына алды. Қорытынды есеп: 92:66. Ал «Астана» сапындағы Антон Пономарёв «ең үздік ойыншы» атанды. Ол финалдық матчта 19 ұпай жинады. Енді Эмиль Райкович баптайтын жігіттер халықаралық ВТБ лигасындағы бәсекені жалғастырады. Кезекті кездесу аптаның соңында Миниск қаласында өтеді. 

Шорт-трек шеберлері олимпиадаға кешенді дайындықты бастайды. Алдағы сәуір айына бірқтар оқу-жаттығу жиыны жоспарланған. Ұлттық құрама мүшелері елімізде де, шетелде де шеберлік шыңдайды. Ал, мамыр айында мұздағы дайындықтар пысықталады. Бұл жөнінде бізге бас бапкер Мәдіғали Қарсыбеков мәлімдеді. Оның айтуынша, короновирусқа қатысты жағдай спортшыларға кәдімгідей әсер етті. Араға 2 жыл салып барып ішкі біріншіліктер енді-енді жанданып жатыр. Мәселен, ересектер арасындағы ел чемпионаты өткен аптада елордада болды. Соның нәтижесінде ұлттық құрама жасақталды.  Енді олар алдағы лицензиялық жарыстарға дайындалады. Айта кетейік, 2022 жылы Пекинде өтетін қысқы олимпиадаға 11 ай қалды.