Еліміздегі әлеуметтік мәселелер әлеуетін жан-жақты қамтыған құнды құжат мазмұнымен емес, маңыздылығымен көпшілік көкейіне ұялады. Қазақстан халқына арналған Жолдауларында білім беру саласы ешқашан назардан тыс қалған емес.

Осы Жолдауда да 2019 жылы Қазақстанда «Педагогтардың мәртебесі» туралы Заң қабылданатыны айтылды. Аталмыш заң мұғалімдердің мүдделерін шешіп, артық жүктеме мен жұмыстан тыс істерге ендігі жерде олардың қамтылуын шектеуді көздейді. Заманауи талаптар деңгейінде жас ұрпақты жан-жақты тұлға ретінде қалыстастыру ісі күнделікті ізденіс пен уақытты талап етеді.

Бұл күні қаралған мектепке дейінгі мекемелердің қызметкерлерін ынталандыратын барлық тетікті қарастыру жайының қатарында балабақша тәрбиешілері жалақысын төлеу жүйесін біліктілік талптарына сай қайта қарау да бар. Президент баланың ойлау қабілетінің құрылымы алты жасқа дейін қалыптасатынын алға тартып, бұл мәселеге тиісті деңгейде мән беріліп отырмағанын баса айтты.

Мемлекет басшысы әзірлеуді тапсырған Жол картасы бойынша Білім және ғылым министрлігі әкімдіктермен бірлесе жұмыс жасауда. Бұл мұғалімдердің мәселесін оңтайландырады деп үміт етіп отырмыз.

Басты байлық, құнды капитал – білімге бөлінген көңіл бізді қанаттандырып, ел ертеңіне қосар үлесімізді артыруға деген үлесімізді үдетері сөзсіз.

№4 «Шұғыла» бөбекжай-балабақшасының меңгерушісі.