Қазалыда этномәдени бірлестік өкілдері бас қосты
![](/uploads/posts/2020-02/1581488510_1.jpg)
Басқосуда аудан әкімінің орынбасары Әлімжан Жарылқағанов Қазақстан достықтың мекені екенін атап өтіп, бір ғана Қазалы ауданының өзінде 13 ұлттың өкілі тату-тәтті өмір сүріп жатқандығын жеткізді. Сондай-ақ, бірнеше интернационал жанұялардың бар екенін тілге тиек етті.
Мұнан соң Қазақстан халқы Ассамблеясының 25 жылдығына орай ауданда өткізілетін шараларды талқылады.
Кездесуге келген «Бірлік-Единство» этномәдени қоғамдық келісім бірлестігінің төрайымы Нафиса Жұма мен бірлестік мүшесі, №16 М.Горький атындағы мектеп-лицей мұғалімі Галина Шамина түрлі шаралардың ұлтаралық достық пен татулыққа бастайтынын атап өтті. Оған қоса жергілікті тұрғындардың өзге этнос өкілдерінің салт-дәстүрлеріне ерекше құрметпен қарайтындығын сөз етті. Осы тұста олар қиын-қыстау кезеңде қолындағы барымен бөліскен қазақ халқына әрдайым алғыстары шексіз екендіктерін жеткізді.
Жиын соңында аудан әкімінің орынбасары алдағы уақытта да еркін форматта осындай басқосудың жиі ұйымдастырылатынын баса айтты.