Әншінің айтуынша, ол жатақханада тұратын бір қыздың жанынан еріксіз шыға алмай қалған.

"Студент кезімде бір қыз дуалап, өліп қала жаздағанмын. Дуаны қайтарамын деп, үш күн ауырдым. Оны қасымдағы балалар байқап қойған. Жаңағы достарым жиналыс жасап, жатақханаға мені шақырады. Ал мен пәтерде тұрамын.

Барсам, курстастарым "Саған бірдеңе болып жүр. Бізбен баяғыдай сөйлеспейсің. Жұлдыз ауруымен ауырдың ба? Әлде жаңағы қызға басың айналып жүр ма?" деді. Шынымен ойланып қалдым. Расымен әлгі қыздың бөлмесінен шықпаймын. Соған келе беремін. Өмірі жатақханаға келмейтін адам, сол жерде көп келіп кеттім.

Достарымнан "Оны қайдан білдіңдер?" десем, олар жаңағы автобустан түсіп келе жатса, карта ашатын орыс әйел өздеріне шақырып алыпты. "Балалар, маған жақындаңдар" деп шақырып алып, "Сендердің достарың қиын жағдайға тап болыпты. Марат немесе Мұрат есімді жігіт. Соны тауып, маған алып келіңдер" деп айтыпты.

Мен "Алыстағы кемпір мені қайдан біледі. Сендер ойдан шығарып отырсыңдар" деп, соңында айқайласып-қырылысып мені алып барды. Әлгі кемпір алыстан тұрып, "Сен ба, Мұрат. Алыстан басыңнан қара түтін шығып келе жатыр" деді. Бәрібір сенбейсің ғой. Баламыз ғой. Мені үйіне алып барып, кітабын оқып, жарықты өшіріп, май шам жағып қойды", - дейді әнші.

Дуа қайтаратын рәсімнің бәрі атқарылып біткенде, әжей Мұрат Қожадан дуаны қызға қайтару немесе қайтармау жайлы сұраған.

"Бірін жасап болғаннан кейін "Дуаны қызға қайтарғың келеді ме?" деді. Мен "Оған не болады?" дегенімде, "Ештеңе болмайды. Ауырады. Саған жасағанына өкінетін болады" деді. Мен келістім. Сосын ол кісінің айтқандары тура келіп, бастырылып ауырдым.

8 наурыз күні бәріміз жатақханаға жиналғанда, мен әлгі қыздың ауырғанын көрдім. Тізерлеп алдыма отырып, "Қазір кешірмесең, өлемін" деді. Мен дуаның барына сенемін", - деп ағынан жарылды әнші.