Оқиға ертеңгілік қаладағы Құрманғазы және Әлиев көшелерінің қиылысында болған.Куәгерлердің айтуынша, жоғары жылдамдықпен келе жатқан жедел жәрдем көлігін «Форд» келіп соққан. Салдарынан жедел жәрдемде болған мейірбике тіл тартпай кетті.
Дәрігерлердің айтуынша, 103 қызметінің көлігі жүрегі ауырған сырқатқа көмек көрсету мақсатында қалаға Құрманғазы ауданынан келе жатқан екен. Медициналық көлік ішінде болған 65 жастағы науқас әйел де жарақат алған. Қазір бұл іспен тәртіп сақшылары айналысуда.
Айдар Қадырбеков, Атырау облыстық ауруханасының дәрігері:
- Келген кезде жағдайы орташа болды, клиникалық-рентгенологиялық тексерістен өткен соң нейротравма бөлімшесіне жатқызылды. Қазіргі жағдайы орташа, емін жалғастырып алып жатыр.