Бүгін Алматыда екі автобус және екі жеңіл көлік соқтығысқан жол-көлік оқиғасы болды, деп хабарлайды «ҚазАқпарат»
Куәгерлердің айтуынша, екі Toyota Camry автомобилі мен Skoda көлігі Әл-Фараби даңғылының бойында жарыс ұйымдастырған. Қатты жылдамдықпен келе жатқан Skoda автомобилін Toyota Camry сүйкеп өтіп, салдарынан Skoda шетке шығып №15 жолаушылар автобусына соғылған. Ал Тойота жүріп келе жатқан беті айналып кетіп, №63 автобусқа соғылған. Автобустың 5 жолаушысы зардап шекті деп хабарланды.