Бір үйде мыңнан астам адам тұрады
Мұндай да болады екен?.. Қырғыздың Ош қаласында Мемлекеттік тіркеу қызметі азаматтарды меншік иесінің рұқсатынсыз жаппай тіркегендігін хабарлайды Neonomad.kz.Тізім алушылар бір үйде 900-ден астам адам тіркелгендігін көріп, таң-тамаша болды.
Құзырлы орган мәліметі бойынша, 2020 жылы қаңтар-ақпан айларында Ош қаласында 35 мың 895 адам, ал Қаракөл қаласында 3 мың 159 адам тіркелген.
Бас прокуратура бір мекенжайға 700-ден астам, тағы бірінде – мыңнан астам адам тіркелгенін, бірақ, онда ешкім тұрмайтынын анықтады. Тағы бір үйде 900-ден астам адам тіркелген, бірақ, үй иесі олардың ешқайсысын танымайды, тіркеуге алуға рұқсат бермеген.
Бұның алдында Орталық сайлау комиссиясы жергілікті кенеш сайлауы қарсаңында бірқатар қалада азаматтарды тіркеу әдеттегіден өзгеше жүргенін хабарлаған. Бұл мәселеге Парламент депутаттары да назар аударып, құзырлы органдарды тексеруге шақырды.
