Қазалы Qazaly.kz ақпараттық агенттігі
» » Қай аймақта автокөлік көп сатылғаны белгілі болды

Қай аймақта автокөлік көп сатылғаны белгілі болды

2018 жылдың І жартыжылдығының қорытындысы бойынша Қазақстанда автокөліктерді тіркеу көлемі 19,2% ұлғайған, деп хабарлайды Baq.kz ақпарат агенттігі Қазақстан автобизнес қауымдастығына сілтеме жасап.
ҚАБҚ мәліметі бойынша, жарты жыл ішінде республикада барлық түрлердегі 563,4 мың көлік құралы есепке қойылған. Маусым айында бұл көрсеткіш 12,5% артып, 107,9 мың автомобильге жеткен.
Жалпы тіркеу санындағы бастапқы тіркеу үлесі маусымда 7,8% дейін артып, 8,4 мың көлік құралын құраған. Екінші тіркеудегі көлік көлемі 99,5 мың болған, бұл - жалпы көлемнің 92,2%. Тіркелген көліктердің үштен екі бөлігі - 10 жыл бұрын шығарылған автомобильдер (70,6 мың дана). Ал 20 жылдан астам уақыт бұрын шығарылғандары – 40,6 мың авто, 10-20 жыл бұрын пайдалануға берілгендері – 29,9 мың дана. 3-10 жылдық көліктер 25,7 мың авто болса, 3 жылға дейінгі мерзімдегілер - 11,7 мың авто.
І жартыжылдық қорытындысы бойынша өңірлерге бөліп қарастырғанда, Алматы облысы көш бастап тұр. Қаңтар-маусым айларында бұл облыста 82,6 мың көлік құралы тіркелген. Екінші орында Оңтүстік Қазақстан облысы – 79,4 мың автомобиль тіркелген. Рейтингтегі үшінші және төртінші орындарға республикалық маңызы бар қос қала – Алматы (71,3 мың дана) мен Астана (48,1 мың дана) орналасқан. Бұл бестікті Қарағанды облысы 39,1 мың авто көрсеткішімен тұйықтап отыр.

05 шілде 2018 ж. 1 587 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031