Қазалы Қазалы аудандық қоғамдық-саяси газет
» » Белгісіз вирусқа шалдыққан бір адам ажал құшты

Белгісіз вирусқа шалдыққан бір адам ажал құшты

Қытайдың Ухань қаласында әлі күнге дейін анықталмаған вирус салдарынан бір адам қаза болды, деп хабарлайды Skifnews.kz ақпарат порталы.
 Қытайдағы жергілікті ақпарат көздері таратқан мәліметтерге сүйенсек, коронавирустың жаңа түрінен көз жұмған адам 61 жастағы Ухань қаласының тұрғыны екен. 
«2020 жылдың 10 қаңтарындағы жағдай бойынша коронавирустың жаңа түрін 41 адамнан  таптық. Науқасқа шалдыққан адамдардың 7-нің жағдайы ауыр, ал біреуі көз жұмды. 2 пациент ауруханадан емделіп шықты», - делінген Ухань қалалық денсаулық сақтау органы таратқан хабарламада.
 Соңғы деректер бойынша, дәрігерлер 739 адамның денсаулығын бақылауға алса, оның ішінде, 419-ы медицина мамандары екен.
Естеріңізге сала кетейік, осыған дейін Қытай билігі 31 желтоқсанда Ухань қаласында пневмонияның беймәлім түріне кем дегенде 27 адамның шалдыққанын хабарлаған. Олардың 7-еуі ауыр жағдайда.
 
Дәрігерлердің сөзінше, ауру жұқтырғандардың басым бөлігі қаладағы теңіз өнімдері сатылатын базарға барған. Қазір вирус жұқтырғандар саны 59 адамға жетті.
11 қаңтар 2020 ж. 121 0

Жаңалықтар мұрағаты

«    Сәуір 2020    »
ДсСсСрБсЖмСбЖс
 12345
6789101112
13141516171819
20212223242526
27282930