Өзгелер намыстанатын кәсіптен көлемді пайда тапқан
Құрбан айттың алғашқы күнінде Нұр-Сұлтан қаласында құрбандық шалған адамдар көп болды. Елорданың мал базарындағы саудада қызу жүруде. "Sputnik Қазақстанның" мәлімдеуінше, олардың қатарында ішек тазартып, жаңа кәсіптің көзін ашқандар да бар.Әдетте сойылған малдың терілері мен ішек-қарындарын бірден жүк көлігіне қотарып, арнайы жерлерге шығарып отырады. Күл-қоқыстың қатарынан ішек-қарындарды жинап тазартатындарда кездеседі. Басылым тілшісі себебін сұрағанында, пайдалы бір кәсіптің бар екенін мәлімдеген.
Аты-жөнін атамауды өтінген жігіттер:
"Көп адам бұндай жұмыс істеуге намыстанады. Білгенге бұл – өте тиімді кәсіп. Мысалы, құрбандық шалған адамдар мал ішінен шыққан бөлігін лақтырып тастайды. Біз соның бәрін тазартамыз да, буып-түйіп, шетелге жібереміз. Ол жақта кетгут жасайды. Ол медициналық жіп атауы. Онымен хирургтар адамның ішкі ағзаларын тігеді. Кетгут кеін өзі таралып кетеді екен. Бұдан бөлек, ішектен шұжықтың сыртын орайтын материалдар жасалады", - дейді.
