Қазалы Qazaly.kz ақпараттық агенттігі
» » Тоқаев балаларға зорлық көрсеткендерді қатаң жазаға тартатын заңға қол қойды

Тоқаев балаларға зорлық көрсеткендерді қатаң жазаға тартатын заңға қол қойды

Қазақстан президенті балалар құқығын қорғау жөніндегі заңға өзгерістер енгізді. Енді балаларға зорлық-зомбылық әрекет жасағандардың жазасы қатаңдатылатын болды деп хабарлайды Ақордаға сілтеме жасаған KAZ.NUR.KZ.

"Мемлекет басшысы «Қазақстан Республикасының кейбір заңнамалық актілеріне баланың құқықтарын қорғау жөніндегі функцияларды жүзеге асыратын ұйымдардың қызметімен байланысты мәселелер бойынша өзгерістер мен толықтырулар енгізу туралы» заңға қол қойды", - делінген Ақорда хабарламасында.
Заң мәтіні жариялануға дайындалуда.

Заңның бір нормасы бойынша, балаларға көрсетілген зорлық-зомбылық әрекеттер жөнінде хабарламаған медицина қызметкерлері мен әлеуметтік қызметкерлерге айыппұл салынатын болады.

"Бұл заң жобасы арқылы баланың құқықтарын қорғау жөніндегі функцияларды жүзеге асыратын ұйымдардың және балалармен жұмыс істейтін білім беру, денсаулық сақтау, әлеуметтік қорғау қызметкерлері әкімшілік жауапкершілікке тартылатын болады. Мысалы, егер дәрігер соққыға жығылған баланы көрсе, ол құқық қорғау органдарына хабарлауы тиіс", - деп депутат Светлана Бычкова мәлімдеген болатын.
02 сәуір 2019 ж. 1 362 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031