Көлік салығын eGov арқылы төлеуге болады
Жалпы сомасы сервисте көрсетіледі және оны төлеу үшін барлық қажетті деректер көрсетіледі. eGov.kz порталында жеке тұлғалардың алдағы салық төлемдерін қарау және төлеу сервисі пилоттық режимде іске қосылды, деп хабарлады "Ұлттық ақпараттық технологиялар" АҚ баспасөз қызметі.
Бұл сервис салық төлеу органы мен сомасы туралы автоматты түрде хабарландыру мақсатында әзірленген.
"ҚР Ішкі істер министрлігі Әкімшілік полиция комитетінің және ҚР Қаржы министрлігі Мемлекеттік кірістер комитетінің деректер қорын интеграциялау есебінен салық төлеушіге әрбір көліктің салық төлеу сомасын бөлек есептеудің қажеттілігі жоқ", - делінген "ҰАТ" АҚ баспасөз хабарламасында.
Жалпы сомасы сервисте көрсетіледі және оны төлеу үшін барлық қажетті деректер көрсетіледі (ТТК, БСК, СОК). Сервис eGov.kz порталының басты бетіндегі "Сервистер" бөлімінде орналастырылған.
Қазіргі уақытта жоғарыда көрсетілген мүмкіндік Қарағанды және Солтүстік Қазақстан облыстарының тұрғындарына қолжетімді.
Пилоттық режим аяқталғаннан кейін сервис елдің барлық аумағында жалпы пайдалану үшін қолжетімді болады, сондай-ақ жер салығы мен жеке тұлғалардың мүлік салығы бойынша алдағы салық төлемдерін тексеру және төлеу мүмкіндігі болады.
Еске сала кетейік, бұған дейін қызмет тек ҚР Мемлекеттік кіріс комитеті арқылы ұсынылған. Көлік құралдарының салығы осы жылдың 31 желтоқсанына дейін төленуі тиіс.
Пікір 1