Семинарды аудандық білім бөлімі әдістемелік кабинет меңгерушісі Е.Өтепбергенов ашып, педагог-тәрбиешілерге сәттілік тіледі. Семинардың бірінші бөлімінде келген қонақтар «Педагогикалық вернисаж» атты жаңа инновациялық технологиялар материалдарымен жасақталған көрмемен танысты. Екінші кезекте «Ботақан» тобының тәрбиешісі Б.Асаубай «Қуыршақты шомылдырып ұйықтатамыз», «Балдырған» ортаңғы тобының тәрбиешісі А.Назарбаева «Әдемі құс», «Алпамыс» МАД тәрбиешісі А.Бауыржан «Тірі және өлі табиғат», «Тілашар» ортаңғы тобы тәрбиеші Г.Қабылова «Қанатты достар», «Алпамыс» МАД тәрбиешісі Н.Нұрылла «Қызықты ертегілер әлемі» электронды оқулығы бойынша ойындар топтамасы, «Балапан» МАД тәрбиеші Р.Алгазиева «Түскиіз жасаймыз», «Балдәурен» ІІ тобының тәрбиешісі Г.Алдажарова мен дене шынықтыру нұсқаушысы Б.Көзімайдың денсаулық фестивалін, педагог ұйымдастырушы «Робот әлеміне саяхат» үйірме жұмысын, А.Рысмамбетова «Dessertsanol drinrs» оқу қызметін, М.Шапихова мен А.Утегеннің «Балабақшам Алпамыс» бағдарламалы аспаптың және би музыкасы» тамашалады.

Қорытынды бөлімде балабақша меңгерушісі Э.Нұрмағанбетова сөз алып, семинарға қатысушылардың ұсыныс-пікірлерін тыңдап, келген қонақтарға рахметін айтты.