Аудандық бастауыш сынып мұғалімдерімен өткен семинар

№226 мектеп базасында аудандық білім бөлімі әдістемелік кабинетінің ұйымдастыруымен білім беру мазмұнын жаңарту бағдарламалары бойынша оқушылардың функционалдық сауаттылықтарының қалыптасуына қолайлы әдістерді қолдана отырып, сабақтардың тиімділігін арттыру мақсатында «Оқушылардың функционалдық сауаттылығын қалыптастыруда сындарлы оқыту әдістерін қолдану жолдары» тақырыбында аудандық бастауыш сынып мұғалімдеріне семинар ұйымдастырылды.

Семинарда сабақтар, сыныптан тыс шаралар, шебер сыныптар өткізілді. Атап айтатын болсақ, 2-сыныпқа А.Абдразақова математика сабағынан «Қазақ-қонақжай халық» тақырыбында, 3-сыныпқа О.Шуйншалиева қазақ тілі пәнінен «Негізгі және туынды етістік», 4-сыныпқа М.Ерекешова әдебиеттік оқу пәнінен «Тасбақаның шөбі» тақырыбында ашық сабақтар көрсетсе, К.Ағаділ мен Л.Қарабекова 3 сынып оқушылары арасында «Алтын кубок» интеллектуалдық ойын ұйымдастырып, Н.Беймбетова мен А.Тулегенова «Дарынды балалармен педагогикалық жұмыс: әдістер мен тәжірибе» тақырыбында шеберлік сынып өткізіп, тәжірибелерімен бөлісті.