Түсіндірме жұмысының негізгі мақсаты – мемлекеттік мекемелер мен кәсіпкерлік нысандарындағы террористік іс-әрекеттердің алдын алу, қауіпсіздік мәселелерін қамтамасыз ету болып табылады. 

Семинар-кеңеске Қазалы ауданының «Арал-Сарыбұлақ» топтық су құбыры, Ә.Тыныбаев атындағы Қазалы су торабы, «Қазалы-Теміржолжылу» филиалы, Қазалы теміржол ауруханасы, Қазалы көліктік-техникалық колледжі, аудандық пошта байланыс торабы, Теміржол вокзалы мекемесі, №4 өрт сөндіру бөлімі, аудандық қорғаныс істері жөніндегі бөлім, сондай-ақ білім және мәдениет бөлімдерінің басшылары мен қызметкерлері, аудан кәсіпкерлері қатысты. 

Семинар-кеңес барысында мекемелер мен кәсіпорындарға бейнебақылау камераларын орнату және мекеменің төлқұжатын (паспортын) әзірлеу тапсырылды.