«Шапағат» мүгедек балаларды сауықтыру орталығында «Петро Қазақстан» компаниясы кубогі үшін «Бар мейірім балаларға» атты спартакиадалық сайыс өткізілді.

Орталықта жыл сайын даму мүмкіндігі шектеулі балалар арасында «Петро Қазақстан» компаниясының кубогы үшін спартакиада дәстүрлі түрде өтіп келеді. Аталған шараға аудан әкімі Мұрат Ергешбаев, «Петро Қазақстан Құмкөл Ресорсиз» АҚ-ның президенті У.Линьган, «Петро Қазақстан Құмкөл Ресорсиз» АҚ-ның вице президенті Болат Көшербаев, «Петро Қазақстан Құмкөл Ресорсиз» АҚ басқарма төрағасының орынбасары Сульфия Даминова, «Петро Қазақстан Құмкөл Ресорсиз» АҚ жұртшылықпен байланыс бөлімінің менеджері Ақтолқын Сұлтангереева қонақ ретінде қатысты.

Сайыс соңында үздік өнер көрсеткен ойын жеңімпаздары марапатталды. Сондай-ақ, «Петро Қазақстан Құмкөл Ресорсиз» АҚ "Шапағат" мүгедек балаларды сауықтыру орталығына плазмалық теледидар сыйға тарту етті.