Қызылорда әкімінің жалақысы қанша?
Қызылорда әкімдігінің өкілдері қала әкімі Нұрлыбек Нәлібаевтың қанша жалақы алатынын айтты, - деп хабарлайды Tengrinews.kz тілшісі."Жылдық орташа табысы (үстеме ақша мен сыйлықақыны қосқанда) - 8 387 105 теңге. Жыл сайын төлейтін салық мөлшері - 555 516 теңге", - деді әкімнің баспасөз қызметіндегілер.
Мұның алдында Талдықорған әкімі Дастан Шалтабаевтың жалақысы аталған еді. Әкімдіктегілердің айтуынша, қала әкімі айына 476 580 теңге жалақы алады. Кейінірек Көкшетау қаласының әкімі Ермек Маржықпаев өзінің айлық жалақысы қанша екенін айтқан болатын. Ақмола облысы бойынша облыс орталық әкімінің айлық көрсеткіші - 451 627 теңге. Ал Қарағанды облысының әкімі Ерлан Қошанов айына 967 672 теңге алады екен. Кейін Павлодар қаласының әкімі қанша алатыны белгілі болды. Әнуар Көмпекеевтің мөлшерлемесі - 462 245 теңге.
