Шымкентте үй тонап дәніккендер қару ұрлағаны үшін сотталды. 24 жастағы екі жігіт төрт үй ұрлығы үшін жәбірленушілерге жарты миллионнан астам теңге шығын келтіргені анықталды деп хабарлайды NUR.KZ порталының өңірлік тілшісі.

  Сыбайлас ұрылардың бірі Валерий ұрлыққа түскен үйдің бірінен сейфтегі аңшылық мылтығын үптеп кеткен.

  Оған қосымша 291 бап бойынша қару ұрлағаны үшін айып тағылды.

  Алайда тараптардың татуласып, суық қолдылардың шығынды өтеп бергені ескеріліп, екі ұры ұрлық қылмысы бойынша жазадан босатылды.

  Бірақ аңшылық мылтығын ұрлаған Валерий үш жылға бас бостандығынан айрылды.