Суға кеткен 300 адамның 90-ы – бала. Бұл турады Орталық коммуникациялар қызметінде өткен брифингте ҚР Ішкі істер министрінің орынбасары Юрий Ильин айтты, деп хабарлайды Baq.kz ақпарат агенттігі.

  2017 жылы елімізде 390 адам суға кетсе, оның 126-ы – бала болатын.

  «Профилактикалық жұмыстар дұрыс жүргізіліп жатыр деген сөз. Біртіндеп қайғылы жағдайлардың болуын азайтуымыз керек. Өкінішке қарай, жеке меншік үйлердің ауласында 5 жасқа толмаған балаларын қараусыз қалдыратын жағдайлар жиі кездеседі», - дейді Юрий Ильин.

  Суға батып көз жұму жағдайы Алматы облысында көп (51 адам) кездеседі.

  «Суға батып кетудің негізгі себебі – өз күшіңді дұрыс есептемеу. Көбінесе адам иірімге батып кетеді немесе су ағызып кетеді. Дәл осы жағдайдан қайтыс болғандар саны – 221 адам, оның 51-і – бала», - дейді ол.

Baq.kz