Жастар және кибербуллинг
фото:яндекс
Қазіргі таңда интернеттің кең таралуымен бірге кибербуллинг мәселесі де өзекті болып отыр. Кибербуллинг – бұл адамды интернет, ұялы телефон және басқа да электронды құралдар арқылы қорқыту, кемсіту, мазақ ету немесе жәбірлеу.
Кибербуллингтің дәстүрлі буллингтен айырмашылығы:
- Анонимділік: Жәбірлеуші өзін жасырып, жауапкершіліктен қашып құтыла алады.
- Кең таралуы: Интернет арқылы жәбірлеу бүкіл әлемге тарап кетуі мүмкін.
- Үздіксіздік: Жәбірлеу 24 сағат бойы, 7 күн бойы жалғасуы мүмкін.
Дәлелдердің сақталуы: Жәбірлеу дәлелдері (хабарламалар, фотосуреттер, бейнежазбалар) ұзақ уақыт сақталып, жәбірленушіге қайта-қайта еске түсіріп, психологиялық зардап шектіреді.
Кибербуллингтің жастарға тигізетін зардаптары өте ауыр, депрессия, үрей, сенімсіздік, оқшаулану. Сонымен қатар физикалық проблемалар ұйқының бұзылуы, бас ауруы, асқазан аурулары пайда болуы мүмкін. Жасөспірімнің қоғаммен байланысына да әсер етері сөзсіз.
Кибербуллингке қарсы күресу үшін бірнеше шара қолға алу қажет, мысалы: кибербуллинг туралы ақпараттық науқандар жүргізу, жастарға, ата-аналарға және педагогтарға кибербуллингтің зияны туралы түсіндіру. Интернетті қауіпсіз пайдалануды үйрету. Жастарға жеке ақпаратты қорғауды, бейтаныс адамдармен қарым-қатынас жасау ережелерін және кибербуллинг жағдайында бағыт-бағдар беру керек.
Кибербуллингке тап болған жасөспірімдерге психологиялық көмек көрсету орталықтарын құру және сенім телефондарын ұйымдастырған жөн. Осыған қатысты заңдарды, жәбірлеушілерді жазалау шараларын күшейту керек.
Тоғжан ШОРА
