Тұтынушылардың құқықтары түсіндірілді

2018 жылдың 24 шілдесінде Әйтеке би кенті әкімдігінің мәжіліс залында «Тұтынушылардың құқықтарын қорғау» атты кездесу өткізілді.

Жиында сөз алған кәсіпкерлік, өнеркәсіп және туризм бөлімінің басшысы Жарқын Ержігітұлы қазіргі уақытта тұтынушылардың құқықтарын қорғаудың маңыздылығын атап өтіп, жиынды ашып берді.

«Мәртебелі Қазақстан» қоғамдық қорының төрағасы Қайрат Сейтқалиұлы және ҚР Ұлттық экономика министрлігі Табиғи монополияларды реттеу және бәсекелестікті қорғау комитетінің Қызылорда облысы бойынша департаментінің бөлім басшысы Ерқасым Жайбергенұлы аудан тұрғындарына тұтынушылардың құқықтарын қорғау жөнінде баяндама жасап, түсіндірме жұмыстарын жүргізді.