САЙЛАУАЛДЫ БАҒДАРЛАМА АЯСЫНДА ҚАЗАЛЫ АУДАНЫНДА ЖАҢА МЕКТЕП АШЫЛДЫ
Бүгін облыс әкімі Нұрлыбек Нәлібаев, ҚР Парламенті Мәжілісіндегі "AMANAT" партиясы фракциясының мүшелері Мұрат Әбенов, Мархабат Жайымбетов, Мұрат Ергешбаев және партияның облыстық филиалының төрағасы Наурызбай Байқадамовтың қатысуымен Қазалы ауданының Әйтеке би кентінде 250 орындық мектеп ашылды.Аймақ басшысы өскелең ұрпақтың жайлы мектептерде білім алуы, қосымша білім беру ұйымдарында қабілетін шыңдауы үшін алда атқарылатын жұмыстарды атап өтті. Мемлекет басшысының тапсырмасымен жас ұрпақтың игілігі жолындағы шаруаларға баса мән берілетініне тоқталды.
Салтанатты іс-шарада ҚР Парламенті Мәжілісінің депутаты Мұрат Әбенов қазалылықтарды жаңа білім ошағының ашылуымен құттықтады.
Іс-шара соңында қонақтар мектеп ғимаратындағы асхана, спорт залы, акт залы, кітапхана жұмысымен танысып, математика, тарих кабинеттерін аралап көрді.
#AMANAT
