Ауыл балаларының олимпиадасы басталды
Еліміз бойынша 20 қарашада ауыл мектептері оқушыларына арналған жалпы білім беретін пәндер бойынша бірінші республикалық олимпиада басталады.
Олимпиаданың мақсаты - ауылдық жерлердегі мектеп оқушыларының дарыны мен қабілеттерін анықтау және оларға қолдау білдіру, неғұрлым академиялық қабілетті оқушыларды табу, олардың зияткерлік дамуы мен кәсіби бағдарлануына жағдай жасау.
Қазалы ауданы бойынша ауыл олимпиадасына 34 мектеп қатысады. Бүгінгі күні барлығы 893 оқушы осы олимпиадаға қатысуға тіркелген.
Осыған орай, аудан әкімінің орынбасары Д.Тілеумбетов пен Қазалы ауданы бойынша білім бөлімінің басшысы Ә.Жөлекешов №266 мектеп –лицейге барып, ауыл мектептерінің олимиадасына қатысушы шәкірттерге сәттілік тіледі.
Олимпиада 20 қарашадан бастап 29 қараша аралығында "бір оқушы - бір компьютер - бір камера" қағидатында өткізіледі. Әр пән жеке график кестесіне сәйкес өткізіледі.
Р.ҚАЙРАТҰЛЫ
