«Жас мамандарды жұмыспен қамту жолдары»
Қызылорда каласы «Абылай хан» атындағы колледж студенттеріне арналған «Жас мамандарды жұмыспен қамту жолдары» тақырыбында ұйымдастырылған семинарға Қызылорда облысы ТЖД «Өрт сөндіру және авариялық-құтқару жұмыстары қызметі» бастығы азаматтық қорғау подполковнигі Н. Ибрагимов қатысты. Сонымен бірге аталмыш іс-шараға Жұмыспен қамту орталығы, Даму қоры қызметкерлері, Өрт сөндіру қызметінің Кадр жұмысы бөлімінің бастығы азаматтық қорғау майоры Ж.Қаласова қатысты.Іс-шара барысында азаматтық қорғау подполковнигі Н. Ибрагимов өрт сөндіру қызметінің негізгі қызметі туралы айтты. Өз сөзінде ол жыл басынан бері бірнеше конкурс өткізіліп, осы конкурсқа колледж бітірушілері де қатысып, сәтті өтіп, қызметке қабылдандығын да атап көрсетті.
Өз кезегінде Ж.Қаласова конкурстың кезең-кезеңдік өту ережелеріне егжей-текжейлі тоқталып өтті. Сонымен қатар ол ҚР ІІМ ТЖК Көкшетау техникалық институтына түсу ережелері және жоғары оқу орнының беделі жөнінде әңгімеледі.
Қорытындысында студенттерге Қызылорда облысы Төтенше жағдайлар департаментінің имиджін насихаттайтын бейнеролик көрсетіліп, онда әр бөлімінің қызметі мен құтқарушы мамандығының артықшылығы айқындалды.
