Жасөспірімдердің жайы комиссия отырысында қаралды
Аудан әкімінің орынбасары Дәурен Тлеумбетовтің төрағалығымен аудан әкімдігі жанындағы кәмелетке толмағандардың істері және олардың құқықтарын қорғау жөніндегі аудандық комиссияның кезекті отырысы өтті. Комиссияның күн тәртібінде 2 мәселе қаралды.Күн тәртібіндегі қозғалған мәселелер бойынша Б.Әбдіразақов атындағы №88 мектеп директоры Алик Тлеумбетов пен аудандық білім бөлімінің әдіскері Надира Аманкелдіқызы баяндама жасады.
Жиында Дәурен Оңғарбайұлы комиссия отырысында қаралған өзекті мәселенің бірі – мүмкіндігі шектеулі балалардың білім алу құқықтарының сақталуына тоқталып өтті. Өз сөзінде мүмкіндігі шектеулі балалар қоғамның толыққанды мүшесі екенін айтып, балалардың білім алуына жасалып жатқан жүйелі жұмыстарды алдағы уақытта да қатаң бақылауға алып күшейту керектігін жеткізді.
Фото: Нұрлан Қанат
#Қазалы
"ҚАЗАЛЫ" ақпарат
