Қос тұлғаға арналған кабинет ашылды

Шараға Қызылорда қаласы бойынша білім бөлімінің басшысы Ерлан Теңізбайұлы, «Ұрпақтан ұрпаққа» қоғамдық қорының мүшесі Сайлаубай Әбішов пен төрайымы Алмагүл Божанова қатысты.
– Абай – қазақтың бас ақыны, әлемдік тұлға, кемеңгер ойшыл. Ұлы ақынның өмiрi, артында қалған мұрасы – ақындықтың, ойшылдықтың, данышпандықтың мектебi ғана емес, ұлтын сүюдiң, халқына жанашыр болудың өмiрлiк өнегесi. Осы орайда Абай Құнанбаевтың өмірін, шығармашылығын зерттеу, оның мол мұрасын келешек ұрпаққа жеткізу бүгінгі күннің басты миссиясы. Болашағы зор кабинеттің алдағы уақытта абайтанушы ғалымдар тәрбиеленіп, қалыптасады деп сенеміз. Бұл кабинетті ашудағы мақсатымыз – Абай заманынан кейінгі қазақ қоғамындағы үлкен құбылыс – Алаш қайраткерлерін және олардың ағартушылық саладағы сіңірген орасан зор еңбектерін кейінгі ұрпаққа, оқушыларға кеңінен таныстыру, насихаттау, – деді бөлім басшысы.

Шара барасында «Абайтану» кабинетінің лентасы қиылып, мектеп жанынан кұрылған «Асыл әжелер» ансамблі «Көзімнің қарасы» әнің орындады.
Көркі көз тартарлық етіп безендірілген, әрқилы заманауи қондырғылармен жабдықталған кабинетке ұлы ойшылдың шығармалары қойылыпты. Қазір мектеп оқушылары осы жерде рухани нәр алуда.
"ҚАЗАЛЫ" ақпарат